أعرف حظك فى حبك

الحـــــــــــب


كلمة من غيرها مفيش حياة .... كلمة ليها ألف طريقة تعرفها بيها ... كلمة ربنا وضعها فى قلوبنا عشان تنقيها ...
كلمة ملهاش سن تبتدى فيه وملهاش سن ممكن تنتهى عنده ..
كلمة بتدخل قلبك " خطف " تريحك وده شيء ممتع وتتعبك وده شيء أكثر من ممتع ....


حــــب الطفولـــة

لما تروح لها المدرسة وأنت لابس أشيك حاجه عندك ، لما تتأكد من موجود أكبر عدد ممكن من " السندوتشات " فى شنطيتك
لا يمكن تخليها تغير مبدأها وتاخد حاجة من حد ومع ذلك ما بتيأسش وبتفضل تلح عليها لحد ما تكون أول وأخر واحد تاخد منه " سندوتش " ،
لما تدخل درس بخمسين جنيه فى الشهر لمجرد إنك تشوفها ساعتين زيادة فى اليوم ، لما يبقى نفسك تقتل المدرس " الإحتياطى "
اللى ضربها عشان بتتكلم لانه لو كان يعرفها ، مستحيل كان يلمسها ،
لما توهم نفسك طول الوقت إنها مش شايله عينها من عليك ، لما تجرب معاها كل الشخصيات يمكن تلفت إنتباهها
" من البلطجى والهادى مروراً بالمثقف والمحترم " بس من غير فايدة ،
لما تذاكر عشان تثبت لها إنك قاعد فى أخر دكه - أه - لكن مش أقل من الواد حسين اللى قاعد جنبها فى الأول وهاتك يا رغى معاها ،


يـبــقــى أكــــــــــيـد بتحـــــــــبـها .


حـــــــــــــــــب دلـــوقتــــى !

لما اليوم يعدى من غير ما تشوفها بتعتبر نفسك ماعشتوش ، لما تكون عايز تشوفها كل دقيقة وثانية عشان تتأكد إنها مش مشغولة بغيرك ،
لما تموت من الغيظ لو ضحكت مع حد تانى ، لما تكون عايز تطير وتحضن كل اللى فى الشارع بعد ما قالت لك إنها محبتش حد زيك ،
لما تعمل ضحكتها رنة لموبايلك ، لما تكون أول واحد فى الدنيا يعرف نتيجتها ،
لما تقولك إنها لو قعدت تدعى ربنا سبحانه وتعالى يوعدها بحد فيه كل حاجه حلوة مش هيكون أحسن منك ،
لما تكون عايز تروح تحت بيتها بالليل عشان تتأكد إنك مش لوحدك اللى سهران بتفكر فيها ،
لما يجيلك إحساس إنك عايز تنط فى أوضتها عشان تشوف سريرها وتلمس دولابها وتشم هدومها وتمسك كل حاجه مسكتها بإديها وتحسد كل حاجه شافتها بعنيها .




يـبـقــى أكيــــــــد بتحــــــــــــبها



حــــب سنوات الجـــــواز الأولـــــــى !


لما تكون أسعد لحظه فى حياتك وإنت ماسك إيديها قدام الناس كلها ومش حاسس إنك بتسرق حاجه ،
لما تحمد ربنا سبحانه وتعالى وأنت مش مصدق نفسك إن إتقفل عليكوا باب واحد ،
لما تكون بتعد الدقايق اللى بتقضيها فى شغلك - الممل - عشان تلحق ترجع ليها ،
لما تتمنى النوم -- رغم تعبك -- يبعد عنك ولو دقايق تقضيها جنبها ، لما تعشق كسوفها وخجلها لما تقرب منها ،
لما تفضلوا تتخانقوا بين رغبتها فى ولد يكون شبهك وبين رغبتك فى بنت تبقى نسخة منها ،
لما تشوف إسمها بيظهر على موبايلك = مراتـــــى حبــيــبـتــى = لو أتأخرت شويه فى الشغل ،
لما تبقى أنت كل اللى ليها فى الدنيا وتبقى هى مركز الكون بالنسبه ليك ، لما الساعه اتنين بالظبط تتصل بيك
وتسألك سؤالها الجميل : " حبيبى هتاكل إيه إنهارده ؟؟ "
لما يجى عيد ميلادها وتحط لها ورد مكانك فى السرير وهدية على باب الشقة وفى كل ركن تكتب لها رسالة حب




يـبـقــى أكيــــــــد بتحــــــــــــبها



حــــب مــا بـعــد الستيـــن


لما تستمتع وأنت صاحى برى بتحضر لها الفطار قبل ما تصحى ، لما تقول لك أنا نفسى ربنا سبحانه وتعالى يدينى عمر على عمرى عشان أقضيه تانى جنبك ،
لما تشوفها وهى بتهتم بهدومك وشراباتك وإنك تكون دايما فى أحسن صورة قدام كل الناس ،
لما تشوف الفرحة فى عنيها وأنت لسه فاكر عيد جوازكوا ، لما تسمعها وهى قافلة الباب عليها مع أحفادكم
وبتقول لهم إك أحسن راجل شافته فى حياتها ،
لما تصحى قبلك وتضرب مشوار " للبنك " عشان تقبض لك المعاش ،



يـبـقــى أكيــــــــد بتحــــــــــــبها

فى كل وقت وكل زمان هتلاقى دايماً هو مصدر سعادتك وأجمل حاجه فى الدنيا

قولنا مفيش حاجه اسمها حب كله خداع وكدب كلكم خداعين وكدابين

الحب : يبدأ بالسماع والنظر
فيـتــولــد عنــــه الاستحســـــان
ثـم يقــــــــــوى فيصيــــر مــــــودة
ثـم تقــــــــــوى المـــودة فتصيـر محبــة
ثـم تقــــــــــوى المحبـــة فتـوجـب الهــــــوى
فـإذا قـــــــــوي الهــــــــــــوى صــــــــار عشقــا
ثـم يـــــــــزداد العشـــــــــــق فيصيـــــر تتييـمـــــــا
ثـم يـزداد التتييم فيصير ولها.. وهو قمة ما يبلغه المحب

الحب ليس سلعة رخيصة نساوم بها كما نريـد
الحب لا يقال له سحابة صيف وتعـدي
الحب لا نصفه بفصل من الفصول الأربعة
الحب ليس ورقة شجراً ساقطة ولا دمعة عابرة ولا أحلام ضايعة
الحب ليس صورة ملونه ولا رسالة مزخرفه
الحب ليس حروفاً مذهبه ولا سطوراً معلقه .. ولا نغمة راقصة
الحب يا ابيض يا اسود ..ليس هناك وسطيه ولا جدل يختلف عليه اثنان
الحب ليس قسوة تغلف بمرارة ولا فضاء ضيق ولا سراب مستحيل تحقيقه

الحب ليس طعنة قاتله ولا شهـوة مغرزه .. ولا حرباء متلونة .. فلا ننظر له من ثقب الإبرة
الحب ( يا ساده ) هو شعور وإحساس يتغلغل في أعماقنـا
الحب مرآة الإنسان يعكس ما بداخلنا من عمق الوصف والخيال
الحب جذوراً متأصلة .. الحب نستوحيه من أنفاسنا ومن دمائنا
الحب إرادة ثم صدق مع النفس ومع من نحب
الحب حصيلة الإعجاب الدائم بين الطرفين
الحب كأحلام على ارض خرافية يلهينا عن الحاضر يشدنا ويجذبنا فيعجبنا جبروته
بالحب نحيا فهو الروح للجسد فلا حياة بدونه وهو الأمل الذي يسكن أنفاسنا ويخاطب أفكارنا ليحقق آمالنا
الحب سفينة بلا شراع تسير بنا إلى شاطئ الأمـان
الحب سماء صافيه وبحراً هادئ وبسمة حانية
الحب يزلزل الروح والكيان ويفجر ثورة البركان
الحب ناراً تضوينا ، الحب نبنيه بأيدينا فماءه يروينا وزاده يكفينا
هـذا هـو الحب لمسـة من الـوفــا و العـطـــا
لــذا يجب أن يعطـى التقـديــر اللائق بــه
الحب يجب أن يكـون وديعـة مهذبـة للغايـة وان نأخـذه بجديـه إذا أردنا أن يعشقنـا من نريـد أن نعشقــه


ومشكورة جدا على رايك وصراحتك ولكن احب التوضيح لكى فقط
انالحب هو الحياة اذا توقف الحب وقفت الحياة
مش معنى انك اخدعتى فى تجربة اى انة لا يوجد حب وشكرا لكى وتقبلى عذرى وكلامى

الحب اجمل شئ فى الحياه اجمل احساس

الحب احساس جميل من غيرو ما فيش قلب مافيش كلمه حلو

حقيقى تسلم ايدك ع التوبيك
مشكور بجد

الله يخليك بجد تسلم

حبيبي
لو هجرني الخلق و الناس
و بعيوني فضا الكون..
إنت لي بهالدنيا

مشكورين اخوانى جميعا واجمل اعضاء بالمنتدى
تحياتى